Það er okkur sönn ánægja að tilkynna að vinnuhóparnir eru senn að fara af stað en Bókabæirnir austanfjalls hafa sent út fyrsta fundarboðið til þeirra sem skráðu sig í vinnuhóp til undirbúnings Barnabókmenntahátíðarinnar. En fyrirhugað er að halda hátíðina í upphafi skólaárs 2015. 

Þeir sem skráðu sig í vinnuhópinn fyrir Barnabókahátíðina ættu því að hafa fengið sendan tölvupóst þar sem fram koma upplýsingar um fundinn, en hann verður haldinn á Bæjarbókasafni Ölfuss í Þorlákshöfn, mánudaginn 23. mars kl. 18:00

Á fyrsta fundinum er ætlunin að kynna Barnabókahátíðina og segja frá fyrirhugðum viðburðum, auk þess sem fundarmenn verða hvattir til þess að leyfa hugmyndunum að flæða og jafnvel skipta sér niður í minni verkefnahópa fyrir þá sem vilja.

Vert er að taka það fram að þau sem ekki hafa skráð sig í vinnuhópinn en vilja vera með eru að sjálfsögðu hjartanlega velkomin.

Það er einlæg von okkar að sem flestir sjáir sér fært að mæta á þennan fyrsta vinnufund hjá Bókabæjunum austanfjalls og taka þar með þátt í að efla menningarstarfsemi á svæðinu.