Viltu taka þátt í Barnabókahátíðinni? Kíktu þá á þetta
Bókabæirnir austanfjalls boða til næsta vinnufundar með undirbúningshópnum fyrir Barnabókahátíðina sem haldin verður á Selfossi í september.
Að þessu sinni ætlar hópurinn að hittast mánudaginn 11. maí í Bókasafninu á Selfossi kl. 18:30. Við minnum á að allir eru velkomnir til þess að kynna sér starfsemina og koma með hugmyndir. Svo er öllum líka að sjálfsögðu velkomið að koma og bara sitja og hlusta á.
Ekki þarf að vera búið að skrá sig í vinnuhópinn til þess að mæta og vert er að geta þess að engin skuldbinding felst í því að mæta á vinnufundinn.
Á seinasta fundi, sem haldinn var í bókasafninu í Þorlákshöfn, komu margar góðar og skemmtilegar hugmyndir fram og líflegar umræður spunnust. Það er því von okkar að sem flestir mæti og taki þátt í þessu spennandi verkefni.
Hægt er að skrá sig sem félagi Bókabæjanna á vefsíðunni okkar bokabaeir.is og er árgjaldið einungis 2000,-
